काठमाडौँ । त्रिकोणात्मक टि२०आई सिरिज अन्तर्गतको तेस्रो खेलमा नेपालले हङकङविरुद्ध उत्कृष्ट सुरुवात गरेको छ । नेपालले दिएको २ सय १४ रनको विशाल लक्ष्य पछ्याएको हङकङले १० ओभरमा तीन विकेट गुमाएर ७१ रन बनाएको छ ।
नेपालका तिब्र गतिका बलर करण केसिले पहिलो बलमा पहिलो विकेट लिएका थिए । हङकङका ओपनर मार्टिन कोर्टजी करणको बलमा गोल्डेन डक भएका थिए । पहिलो ओभर सकिदा हङकङले एक रन पनि जोड्न सकेको थिएन । पछि फेरी दुई ओभरको दोस्रो बलमा ललित राजवंशीले निजाकत खानलाई दुई रनमा आउट गराए । यस्तै, सातौँ ओभरको अन्तिम बलमा सोमपाल कामिले बाबर हायतलाई आउट गराए । उनी १५ बलमा ३ चौका प्रहार गर्दै आउट भए ।
नेपालले कुशल मल्ल र दीपेन्द्रसिंह ऐरीको अर्धशतकीय पारीमा २ सय १३ रन बनाएको थियो । नेपालको लाग कुशलले आफ्नो करिअरको दोस्रो अर्धशतक बनाउने क्रममा ९ छक्का सहित ९२ रनको आक्रामक इनिङ खेले । ४१ बलको सामना गरेका उनले ३ चौका समेत प्रहार गरेका थिए ।
यता, दीपेन्द्रले सातौं अर्धशतक बनाउने क्रममा ५७ रनको इनिङ खेलेका थिए । उनले ३३ बलमा ६ चौका र २ छक्का प्रहार गरेक थिए ।
