काठमाडौँ । घरेलु टोली नेपालले ट्वान्टी–२० शृङ्खलाअन्तर्गत आयरल्याण्ड वल्भ्सलाई १९९ रनको लक्ष्य दिएको छ ।
कीर्तिपुरस्थित टियु मैदानमा जारी खेलमा टस जितेर पहिले ब्याटिङ थालेको नेपालले २० ओभरमा ७ विकेट गुमाएर १९८ रन जोड्यो ।
नेपालका लागि गुलशन झाले ४६, कुशल मल्लले ३४, रोहित पौडेलले ३३, कुशल भुर्तेलले २५, सन्दीप जोराले २१, अनिल शाहले १२ र आसिफ शेखले ११ रन जोडे ।
बलिङतर्फ आयरल्याण्ड वल्भ्सका म्याथ्यु फोस्टरले ३ बेन ह्वाइटले २ विकेट लिए भने गाभिन होए र फिओन हाण्डले १–१ विकेट लिए ।
आजको खेल जितेमा नेपालले शृङ्खलामाथि कब्जा गर्नेछ । हिजो भएको यस शृङ्खलाको पहिलो खेलमा नेपालले आयरल्याण्ड वल्भ्सलाई छ विकेटले पराजित गरेको थियो ।
