काठमाडौँ । फिफा विश्वकप तथा एएफसी एसियन कप छनोटअन्तर्गत दोस्रो चरणको आफनो चौथो खेलमा नेपाल बहराइनसँग पराजित भएको छ ।
बहराइनको राष्ट्रिय रङ्गशालामा भएको खेलमा नेपाल घरेलु टोली बहराइनसँग ३–० गोलले स्तब्ध बनेको हो । यो नतिजासँगै नेपाल विश्वकप र एसिया छनोट खेल्नबाट बाहिरिएको छ ।
बहराइनले तीनै गोल पहिलो हाफमा गरेको हो । खेलको ७ औं मिनेटमा सायद बकिरले, १८ औं मिनेटमा अबदुल्लाह युसुफ हेलालले (पेनाल्टी) र ३६ औं मिनेटमा कामिल अल अशवादले गोल गरे ।
नेपाल पहिलो चरणको खेलमा लाओसलाई पराजित गर्दै प्रतियोगिताको दोस्रो चरणमा प्रवेश गरेको थियो । त्यस्तै दोस्रो चरणको खेलमा नेपालले जित हासिल गर्न सकेको छैन । दोस्रो चरणअन्तर्गत नेपालले तीनवटै खेलमा पराजय भोगेको थियो । संयुक्त अरब इमिरेट्स (युएई)मा भएको पहिलो खेलमा नेपाल युएईसँग ४–० गोलअन्तरले पराजित भएको थियो ।
त्यसैगरी घरेलु मैदानमा भएको यमन विरुद्धको दोस्रो खेलमा नेपाल २–० गोलअन्तरले पराजित भएको थियो । यही चैत ८ गते भएको दोस्रो चरणअन्तर्गतको तेस्रो खेलमा नेपाल बहराइनसँग ५–० गोलअन्तरले पराजित भएको थियो ।
दोस्रो चरणमा नेपाल समूह ‘एच’मा रहेको छ । नेपालको ससमूहमा बहराइन, यमन र संयुक्त अरब इरिमेट्स छन् ।
