काठमाडाैंः गृह मन्त्रालयले उपत्यका बाहिरबाट राजधानी भित्रिने सर्वसाधारणलाइ १४ दिन सम्बन्धित घरमै क्वारेन्टिनमा बस्ने व्यवस्था मिलाउन उपत्यकाका तीनै जिल्लाका प्रमुख जिल्ला अधिकारीहरूलाइ पत्राचार गरेकाे छ ।
परिपत्रमा पछिल्ला दिनहरूमा उपत्यका बाहिरबाट काठमाडाैं भित्रिएका र पिसिआर जाँचकाे रिपाेर्ट नभइ घरधनीहरूले घर, डेरामा बस्ने मानिसहरूलाइ घरमा प्रवेश गर्न राेक लगाउने गुनासाे सहित दैनिक १००० भन्दा बढी सेवाग्राहीहरू पिसिआर टेस्टका लागि शुक्रराज ट्रपीकल तथा सरूवा राेग अस्पताल टेकुमा आउने गरेकाे उल्लेख छ ।
स्वास्थ्य मन्त्रालयकाे काेविड परीक्षण निर्देशिका बमाेजिम उपत्यका बाहिरबाट काठमाडाैं भित्रिने मानिसहरू अनिवार्य रूपमा कम्तीमा १४ दिनसम्म हाेम क्वारेन्टिनमा बस्ने र उक्त अवधिमा कुनै लक्षण देखिए मात्र अस्पताल जाने व्यवस्था गराउन गृहकाे सहयाेग मागेकाे थियाे ।
साेही बमाेजिम पिसिआर जाँचका लागि चिकित्सक र स्वास्थ्यकर्मीलाइ दबाब नदिने वातावरण मिलाउन पनि गृह समक्ष स्वास्थ्य मन्त्रालयले अनुराेध गरेपछि नयाँ परिपत्र गर्नु परेकाे गृहकाे भनाइ छ ।
गृहकाे परिपत्र
