काठमाडौं । नक्कली सर्टिफिकेट बनाउने एक जनालाई प्रहरीले पक्राउ गरेको छ । पक्राउ पर्नेमा काभ्रे घर भै हाल काठमाडौँको तारकेश्वर नगरपालिका–११ मनमैंजु बस्ने विपुन श्रेष्ठ रहेको प्रहरीले जनाएको छ ।
तारकेश्वर नगरपालिका–११ मनमैंजु रहेको उग्रचण्डी साईबर खोलेर सक्कली सर्टिफिकेट, सवारी अनुमतिपत्र र नागरिकतामा रहेको नाम हटाई नक्कली नाम राखेर विभिन्न प्रयोजनका लागि नक्कली कागजात बनाउने कार्यमा संलग्न रहेको प्रहरीले बताएको छ ।
प्रहरीले उनको साईबरबाट नक्कली सर्टिफिकेट लगायतका नक्कली कागजात बनाउन प्रयोग हुने ल्यापटप, फोटोकपी, प्रिन्टर, पेनड्राईभ र तयारी अवस्थामा रहेको नक्कली कागजातहरु समेत प्रहरीले बरामद गरेको छ ।
श्रेष्ठमाथि थप अनुसन्धान भइरहेको महानगरीय प्रहरी परिसर काठमाडौंले जनाएको छ ।
