काठमाडौं । आईसीसी यु १९ महिला टि २० विश्वकप एशिया छनोट अन्तर्गत अहिले नेपालले घरेलु टिम मलेसियाको सामना गरिरहेको छ । मलेसियाको युकेएम ओभलमा भएको खेलमा पहिला टस जितेर ब्याटिङ गरेको नेपालले निर्धारित २० ओभरमा ७ विकेटको क्षतिमा ८६ रन बनायो ।
मलेसियालाई ८७ रनको विजयी लक्ष्य दिने क्रममा नेपालका लागि अञ्जली विश्वकर्माले सर्वाधिक ३३ रन बनाइन्, त्यस्तै आश्मा पुलामी मगरले २६, श्रृष्टि जैसी, सानु राजवंशी, अनु कडायतले समान ३ रन बनाउँदा, किरण कुमारी शुन्य रनमा पेभेलियन फर्किइन् । मलेसियाकी नुर सामेदले २ विकेट लिइन् । अहिले मलेसियाले ब्याटिङ गरिरहेको छ ।
