एजेन्सी । एसिया कप अन्तर्गत भारत र पाकिस्तानबीचको दोस्रो खेल आज आइतबार दुबईमा हुँदैछ । यो खेल नेपाली समयानुसार ७ः४५ बजे दुबई अन्तर्राष्ट्रिय क्रिकेट रंगशालामा हुनेछ ।
दस महिनापछि दुवै देश आमनेसामने हुनेछन् । यसअघि दुवैले २४ अक्टोबर २०२१ मा भएको टी–२० विश्वकपमा यसै मैदानमा खेलेका थिए जसमा पाकिस्तान १० विकेटले विजयी भएको थियो ।
दुवै टोली एसिया कपको उपाधि जित्ने प्रबल दावेदार हुन् । यो खेल जित्ने टोलीले उपाधितर्फ एक कदम अगाडि बढ्नेछ । दुवै टोलीका प्रमुख बलर चोटका कारण बाहिर छन् ।
पछिल्लो पटक दुई टोली आमनेसामने हुँदा विराट कोहली भारतका कप्तान थिए । उनले टी–२० विश्वकपअघि नै प्रतियोगितापछि टी–२० कप्तानी छाड्ने बताएका थिए । उनका लागि कप्तानको रूपमा पाकिस्तानविरुद्धको अन्तिम खेल बिर्सने खालको थियो ।
विश्वकपमा भारत पहिलो पटक पाकिस्तानसँग पराजित भएको थियो । प्रतियोगितापछि रोहित शर्मा नियमित कप्तान बनेका छन् । पाकिस्तानसँग बदला लिने जिम्मेवारी उनै रोहितको काँधमा छ ।
भारतको सम्भावित सुरुवाती – ११
रोहित शर्मा (कप्तान), केएल राहुल, विराट कोहली, सूर्यकुमार यादव, ऋषभ पन्त (विकेटकीपर), हार्दिक पाण्ड्या, रविन्द्र जडेजा, अश्विनरअवेश खान, भुवनेश्वर कुमार, अर्शदीप सिंह, युजवेन्द्र चहल ।
पाकिस्तानको सम्भावित सुरुवाती – ११
बाबर आजम (कप्तान), मोहम्मद रिजवान (विकेटकीपर), फखर जमान, इफ्तिखार अहमद, आसिफ अली, खुशदिल शाह, शादाब खान, मोहम्मद नवाज, नसीम शाह, हरिस रौफ, शाहनवाज दहनी ।
