धनगढी । सुदूरपश्चिम प्रदेशका मुख्यमन्त्री त्रिलोचन भट्टले प्रदेशका भौतिक पूर्वाधार राज्यमन्त्रीलाई बर्खास्त गर्नुभएको छ ।
नेकपा (एकीकृत समाजवादी)का नेता समेत रहेका राज्यमन्त्री कुलवीर चौधरी बर्खास्त भएको राज्यमन्त्रीका स्वकीय सचिवले जानकारी दिएका छन् । चौधरी नेकपा (एमाले)मा प्रवेश गर्ने सूचना पाएपछि उनलाई सरकारबाट हटाइएको हो ।
एमाले अध्यक्ष केपी शर्मा ओली बुधबार कञ्चनपुरको महेन्द्रनगरमा आउनुभएको छ । उहाँले एकीकृत समाजवादीका केही नेताहरुलाई एमालेमा प्रवेश गराउँदै हुनुहुन्छ । राज्यमन्त्री चौधरी पनि एमालेमा प्रवेश गर्ने सूचना पाएपछि उहाँलाई बर्खास्त गरिएको बताइएको छ ।
