काठमाडौँ । नेकपा (एमाले) का अध्यक्ष केपी शर्मा ओलीले एमाले संसदीय दलको बैठकमा पार्टीबाट निर्वाचित सांसद्हरुलाई बिदाइ सम्बोधन गर्दै प्रचलनअनुसार भोलिदेखि आफूहरु संसद्मा उपस्थित नहुने बताउनुभएको छ ।
उहाँले आगामी मंसिर ४ गते हुने प्रतिनिधिसभा र प्रदेशसभा सदस्य निर्वाचनमा एमालेलाई चामत्कारिक उपलब्धी दिलाउन सांसदहरुलाई आआफ्नो स्थानबाट सम्पूर्ण शक्ति लगाउन निर्देशन दिनुभयो ।
उहाँले भन्नुभयो, “जो जहाँ जस्तो अवस्थामा छ, जे जिम्मेबारी पाइन्छ, त्यो जिम्मेबारी पूरा गर्न देश र जनतालाई शिरमा राखेर अघि बढ्नुपर्छ ।” पार्टी स्पिरिटमा चल्नुपर्ने भन्दै उहाँले भन्नुभयो, “हामीबाट कुनै प्रकारको असन्तुष्टि देखिएर अरुले सम्झाउनेगरी होइन,उच्चस्तरको सांस्कृतिक उचाई राखेर अघि बढ्नुपर्छ ।”
अध्यक्ष ओलीले सानदाररुपमा आफ्नो कार्यकाल पूरा भएको उल्लेख गर्दै पार्टीका तर्फबाट निर्वाचित सबै सांसदहरुलाई दशैँ लगायत सबै चाडपर्वको शुभकामना दिनुभयो ।
