एजेन्सी । स्पेनिस लिग ला लिगामा बार्सिलोनाले जित निकालेको छ । आइतबार राति भएको खेलमा सेल्टा डि भिगोमाथि १–० को जित निकाल्दै क्याटलान क्लब बार्सिलोना शीर्षस्थानमा उक्लिएको हो ।
घरेलु मैदान क्याम्प नोउमा भएको खेलमा बार्सिलोनाको जितमा पहिलो हाफमा पेड्रीले गरेको गोल नै निर्णायक बन्यो ।
उनले १७औं मिनेटमा गोल गरे । यस जितसँगै अपराजित रहेको बार्सिलोना ८ खेलबाट २२ अंक जोडेर शीर्षस्थानमा उक्लिएको छ ।
समान २२ अंक नै रहेको अपराजित रियल गोल अन्तरमा बार्सिलोनासँग पछि छ । पराजित सेल्टा १० अंकसहित ११औं स्थानमा छ ।
