एजेन्सी । नेसन्स लिगको उपाधि स्पेनले जितेको छ । गएराति भएको खेलमा क्रोएसियालाई टाइब्रेकरमा हराउँदै स्पेन च्याम्पियन बनेको हो ।
नेदरल्यान्ड्सको डी कुइप मैदानमा भएको फाइनलमा निर्धारित ९० मिनेटसम्म र अतिरिक्त समयसम्म पनि गोलरहित बराबरी भएपछि खेलको छिनोफानो पेनाल्टीबाट लागेको हो ।
पेनाल्टीमा स्पेन ५–४ ले विजयी बन्यो । स्पेनका डानि कार्भहाल, मार्को एसेन्सिओ, मिकेल मेरिनो, रोड्री र जोसेलुले गोल गर्दा एइमेरिक लापोर्टे गोल गर्न चुके ।
यता, क्रोएसियाका लागि ब्रुनो पेट्कोभिच र लोभ्रो मजेर गोल गर्न चुके । इभान पेरिसिच, लुका मोड्रिच, मार्सेलो ब्रोजोभिच र निकोला भ्लासिचले गोल गरेपनि क्रोएसियालाई उपाधि दिलाउन सकेनन् ।
