चीनको हाङझावमा आज सम्पन्न एसियाड क्रिकेटमा भारतलाई स्वर्ण पदक हात लागेको छ ।
भारत र अफगानिस्तानबीचको फाइनल खेलमा वर्षाले खेल अबरुद्ध भएपछि भारतको यसअघिको प्रदर्शनका आधारमा भारतलाई स्वर्ण पदक प्रदान गरिएको हो ।
टस जितेर पहिले ब्याटिङको निम्तो पाएको अफगानिस्तानले संघर्षपूर्ण खेलमा १८.२ ओभरमा ५ विकेट गुमाएर ११२ रन बनाएको थियो । तर अफगानिस्तानको इनिङ समाप्त हुन १० बल बाँकी छँदा पानी पर्न थालेको थियो ।
तर त्यसपछि खेल हुन सकेन ।
अफगानिस्तानले रजत पदकमा चित्त बुझाउनु परेको थियो । यसैगरी बंगलादेशले पाकिस्तानलाई पराजित गरी तेस्रो स्थान अर्थात् काश्य पदक जितेको छ ।
