युरोपा लिग अन्तर्गत शुक्रबार राति भएको खेलमा इङलिस क्लब लिभरपुलले फ्रान्सेली क्लब टुलोजलाई गृह मैदान एन्फिल्डमा ५–१ गोल अन्तरले पराजित गरेको छ । यो जितसँगै लिभरपुल समूह ई बाट नकआउट चरणमा प्रवेश गरेको छ ।
लिभरपुलका लागि डिएगो जोटा, वातारु इन्डो, डार्विन नुनेजले पहिलो हाफको ९, ३० र ३४ औं मिनेटमा गोल गरेर टुलोजमाथि दबाब बनाएका थिए । त्यस्तै रायन ग्रिबेनबर्चले ६५औं तथा मोहम्मद सलाहले ९३औं मिनेटमा गोल गरेर टिमको स्कोर ५ गोल बनाएका थिए ।
टुलोजका लागि एकमात्र गोल १६ औं मिनेटमा थिज डालिङ्गाले गरेका थिए ।
समूह ई मा तीन खेल खेलेको लिभरपुलले तीन वटै खेल जितेर ९ अंक सहित पहिलो स्थानमा छ ।
यस समूहमा दोस्रो स्थानमा युनियन सेन्ट जिलोज र टुलोजको समान चार चार अंक छ । दोस्रो स्थानमा रहेको जिलोज भने प्लेअफका लागि छनौट भएको छ । एजेन्सी
