काठमाडौं । गैरआवासीय नेपाली संघले सरकारको राहत कोषमा तत्काल १० लाख रुपैयाँ सहयोग गर्ने भएको छ ।
भूकम्पले जाजरकोट र रुकुम पश्चिम लगायतका क्षेत्रमा ठूलो मानवीय तथा भौतिक क्षति भएको खबरले गैरआवासीय नेपाली संघ अत्यन्त दुखित भएको जनाउदै पहिलो चरणमा सरकारको राहत कोषमा तत्काल १० लाख रुपैयाँ सहयोग गर्ने प्रतिबद्धता व्यक्त गरेको हो ।
गैरआवासीय नेपाली संघले भूकम्प प्रभावित क्षेत्रमा प्रभावकारी उद्धार तथा राहतका लागि आर्थिक सहयोग संकलन तथा अन्य आवश्यक कार्यमा यथाशक्य छिटो जुट्न संघका सबै राष्ट्रिय समन्वय परिषद्हरु तथा विदेशमा रहेका गैरआवासीय नेपालीहरुलाई आग्रह गरेको कुरा डा. बद्री केसी र महासचिव गौरीराज जोशीले जारी गर्नुभएको प्रेस विज्ञप्तिमा उल्लेख छ ।
तस्बिर : युवराज पाण्डे/रासस
