काठमाडौँ । माल्टामा एक नेपाली मृत अवस्थामा फेला परेका छन् ।
रोजगारीको सिलसिलामा माल्टाको जीरामा रहेका २५ वर्षीय कृष्णबहादुर थापा क्षेत्री आफ्नै अपार्टमेन्टको तल मृत फेला परेको एनआरएन माल्टाले जनाएको छ ।
यस विषयमा माल्टा प्रहरीले अनुसन्धान गरिरहेको हुँदा थप विवरण भने आउन बाँकी रहेको छ । रास्ट्रिय समन्वय समिति माल्टाले क्षेत्रीको परिवारसँग निरन्तर सम्पर्क गरिरहेको जनाएको छ ।
