एजेन्सी । आईसीसी अन्डर–१९ विश्वकपको खेल तालिका सार्वजनिक भएको छ । दक्षिण अफ्रिकाको पाँच मैदानमा अर्को वर्ष जनवरी–फेब्रुअरीमा हुने यस प्रतियोगितामा कुल ४१ खेल खेलाइनेछ ।
यू–१९ विश्वकप २०२४ को उद्घाटन खेल आयोजक दक्षिण अफ्रिका र वेस्ट इन्डिजबीच जनवरी १९ मा हुनेछ । फाइनल खेल बेनोनीमा फेब्रुअरी ११ मा हुनेछ ।
यू–१९ विश्वकपमा कुल १६ टोलीको सहभागिता रहेको । यो तीन चरणमा खेलाइनेछ । विश्वकपमा नामिबिया, न्युजिल्यान्ड, नेपाल, स्कटल्याण्ड र अमेरिका बाहेक अन्य टोलीले प्रत्यक्ष प्रवेश पाएका हुन् ।
आईसीसी यू १९ क्रिकेट विश्वकपलाई ४ समूहमा विभाजन गरिएको छ ।
समूह एः भारत, बंगलादेश, आयरल्याण्ड, अमेरिका
समूह बीः इंग्ल्याण्ड, दक्षिण अफ्रिका, वेस्ट इन्डिज, स्कटल्याण्ड
समूह सीः अस्ट्रेलिया, श्रीलंका, जिम्बाब्वे, नामिबिया
समूह डीः अफगानिस्तान, पाकिस्तान, न्यूजिल्याण्ड, नेपाल
