एजेन्सी । अफगानिस्तान र युएईबीचको दोस्रो टी–२० अन्तर्राष्ट्रिय खेलमा मोहम्मद वासिमले विश्व क्रिकेटमा अहिलेसम्म कुनै पनि ब्याट्सम्यानले गर्न नसकेको उपलब्धि हासिल गरेका छन् ।
युएईका कप्तानले शानदार ब्याटिङ गर्दै ३२ बलमा ५३ रनको शानदार इनिङ खेलेका थिए जसको आधारमा पहिले ब्याटिङ गरेको युएईले २० ओभरमा ७ विकेट गुमाएर १६६ रन बनाएको थियो ।
अफगानिस्तानविरुद्धको दोस्रो टी–२० खेलमा मोहम्मद वासिमले आफ्नो ५३ रनको इनिङ्समा ४ चौका र तीन छक्का प्रहार गरेका थिए । यी तीन छक्कासँगै वसिमले सन् २०२३ मा छक्काको शतक पनि पूरा गरेका थिए ।
अन्तर्राष्ट्रिय क्रिकेटमा वासिम एक वर्षमा १०० छक्का प्रहार गर्ने विश्वकै पहिलो ब्याट्सम्यान बनेका छन् । वासिमअघि अहिलेसम्म कुनै पनि ब्याट्सम्यानले यो उपलब्धि हासिल गर्न सकेका छैनन् । वासिमले यो वर्ष १०१ छक्का प्रहार गरेका छन् ।
