एजेन्सी । अस्ट्रेलिया र पाकिस्तानबीचको तेस्रो तथा अन्तिम टेष्ट खेल बुधबार सिड्नी क्रिकेट मैदानमा सुरु भएको छ । पाकिस्तानका कप्तान शान मसुदले टस जितेर पहिले ब्याटिङ गर्ने निर्णय गरेका छन् ।
पाकिस्तानका ओपनर अब्दुल्ला शफिक र साम अयुबले कप्तानको निर्णय सही साबित गर्न सकेनन् र खाता खोल्नै नदिई आउट भए । इनिङ्सको दोस्रो बलमा मिचेल स्टार्कले शफिकलाई दोस्रो स्लिपमा स्टिभ स्मिथको हातमा क्याच आउट गराए ।
अर्को ओभरको दोस्रो बलमा जोस हेजलवुडले डेब्यु खेल्ने साम अयुबलाई विकेटकिपर केरीको हातमा क्याच आउट गराएर पाकिस्तानलाई दोस्रो झटका दिए ।
योसँगै पाकिस्तानी ओपनरको नाममा निकै लज्जास्पद कीर्तिमान दर्ता भएको छ । सिड्नी क्रिकेट मैदानमा टेस्ट म्याचको एउटै इनिङ्समा दुवै ओपनर खाता नखोली आउट भएको यो पहिलो पटक हो ।
पाकिस्तानले साम अयुबलाई टेस्ट डेब्यू गर्ने मौका दिएको थियो, जुन पूर्ण रूपमा असफल भयो । साम अयुब खाता नखोलेर आउट भए । शान मसूदको कप्तानीमा टेस्ट डेब्यू गर्ने अयुब पहिलो ओपनर हुन् र खाता खोल्नै नदिई आउट भएका थिए ।
अहिलेसम्म पाकिस्तानका शान मसुद अन्तिम ओपनर थिए, जो डेब्युमा खाता खोल्नै नसकेर आउट भएका थिए । मसुदले सन् २०१३ मा अबुधाबीमा दक्षिण अफ्रिकाविरुद्ध टेस्ट डेब्यू गरेका थिए ।
प्याट कमिन्स (५ विकेट)को घातक बलिङको मद्दतले अष्ट्रेलियाले तेस्रो टेस्टको पहिलो दिन ७७.१ ओभरमा पाकिस्तानलाई ३१३ रनमा अलआउट गर्यो । पाकिस्तानलाई सम्मानजनक स्कोरमा पुर्याउन मोहम्मद रिजवान (८८), आगा सलमान (५३) र आमिर जमाल (८२)ले महत्वपूर्ण योगदान दिए ।
अष्ट्रेलियाका लागि कमिन्स बाहेक मिचेल स्टार्कले दुई तथा नाथन लियोन र मिचेल मार्सले एक-एक विकेट लिए ।
