काठमाडौँ । गुलशन झा र करण केसीको सानदार बलिङमा भारतको स्टेट टोली गुजरातले त्रिकोणात्मक टी–२० सिरिज फ्रेन्डसिप कप अन्तर्गत पहिलो खेलमा नेपाललाई ९९ रनको लक्ष्य दिएको छ ।
साई मेघपन स्पोर्ट्स लाइफ ग्राउण्डमा टस हारेर पहिला ब्याटिङ थालेको गुजरात १८.२ ओभरमा ९८ रन जोड्दै अलआउट भयो ।
गुजरातका रुद्र मयुर पटेलले २२ बलमा ४ चौकासहित सर्वाधिक २३ रन बनाए । हेमांग पटेल २०, आर्यन देशाई ४, उमांग पटेल ५, स्मित पटेल १०, अभिषेक देशाई ११ र ऋषि पटेल १ रनमा आउट भए । सराल प्रजापति १७ रनमा आउट भए ।
नेपालका गुलशन झाले ४ विकेट लिए । करण केसीले ३ तथा सोमपाल कामीले १ विकेट लिए ।
