काठमाडौँ । नेपाली राष्ट्रिय क्रिकेट टोलीले आइसीसी टि–२० विश्वकपअघि घरेलु मैदानमा वेस्ट इन्डिज ‘ए’ सँग सिरिज खेल्ने भएको छ ।
नेपालले वेस्ट इन्डिज ‘ए’ सँग ५ टि२० खेल खेल्ने भएको हो । सिरिज अप्रिल २५ देखि ५ मेसम्म चल्नेछ । एसीसी मेन्स प्रिमियर कप खेलेर फर्केपछि नेपालले यो सिरिज खेल्नेछ ।
प्रिमियर कप अप्रिल १२ देखि २१ सम्म ओमानमा सञ्चालन हुँदैछ । हाल भारतमा रहेको नेपाली टोली त्यहीँबाट सिधै ओमान प्रस्थान गर्नेछ ।
जुनमा हुने विश्वकपको आयोजना अमेरिका र वेस्ट इन्डिजमा हुँदैछ । नेपाल समूह डी मा रहेको छ । नेपालसँगै यस समूहमा दक्षिण अफ्रीका, श्रीलंका, बंगलादेश र नेदरल्यान्ड्स रहेका छन् ।
