काठमाडौँ । इन्टर मिलानले सोमबार एसी मिलानलाई २–१ ले पराजित गर्दै इटालीको सिरी ए उपाधि जितेको छ ।
इन्टरले लिग तालिकाको शीर्षमा निर्णायक अग्रता लियो । इन्टरलाई जित दिलाउन जितमा फ्रान्सिस्को एसेरबी तथा मार्कस थुरामले एक–एक गोल गरे । मिलानका लागि फिकायो टोमोरीले एक गोल फर्काए ।
इन्टरले लिगमा पाँच चरणको खेल बाँकी छँदा १७ अंकको निर्णायक अग्रता प्राप्त गर्दै लिग जित्न सफल भयो ।
इन्टरले अन्तिम पटक सन् २०२१ मा लिग जितेको थियो । सिमोनी इन्जाघीले प्रशिक्षकका रूपमा पहिलो पटक उपाधि जित्न सफल रहे ।
