काठमाडौं । निर्वाचन आयोगले इलाम क्षेत्र नम्बर २ मा जारी उपनिर्वाचनको मतगणना आजै रातिबाट शुरु गर्ने जनाएको छ ।
प्रमुख निर्वाचन आयुक्त दिनेश थपलियाले इलामको मतगणना राति १२ बजेअघि नै शुरु गर्न निर्देशन दिईएको बताए ।
सबै मतदान केन्द्रबाट राति १० बजेसम्ममा मतपेटिका आइसक्ने अनुमान गरिएको आयुक्त थपलियाले बताए । इलाममा गत वर्ष निर्वाचनमा ६० प्रतिशत मत खसेकोमा यस पटक ६३ प्रतिशतसम्म पुग्ने अनुमान गरिएको छ ।
यस्तै, उनले बझाङको मत भने आइतबार बिहान ११ बजेदेखि गणना थालिने जानकारी दिए । बझाङमा ५३ प्रतिशतभन्दा माथि नै मत खस्ने अपेक्षा गरिएको उनले बताए ।
