एजेन्सी । भारतीय क्रिकेट कन्ट्रोल बोर्ड (बीसीसीआई)ले मंगलबार टी–२० विश्वकप २०२४ का लागि भारतीय टोलीको घोषणा गरेको छ । भारतीय टोलीको कप्तान रोहित शर्मा र उपकप्तान हार्दिक पाण्ड्यालाई दिइएको छ ।
बीसीसीआईले पहिलो पटक धेरै भारतीय युवालाई अवसर दिएको छ । टोलीमा धेरै खेलाडी छन् जो पहिलो पटक टी–२० विश्वकप खेल्दैछन् ।
१. यशस्वी जैसवाल
यस सूचीमा पहिलो स्थानमा लामो समयदेखि उत्कृष्ट लयमा रहेका टीम इन्डियाका ओपनर यशस्वी जैसवालको नाम छ । यशस्वी आईपीएल २०२४ मा राजस्थान रोयल्सबाट खेल्दैछन् । यशस्वीले २०२४ को टी–२० विश्वकपका लागि भारतीय टोलीमा मौका पाएका छन् । उनी पहिलो पटक टी–२० विश्वकप खेल्दैछन् ।
२.सञ्जु सामसन
सन्जु सामसनको नाम सूचीमा दोस्रो स्थानमा छ, जसलाई आईपीएल २०२४ मा आफ्नो दमदार प्रदर्शनको लागि छनोट गरिएको छ । आफ्नो कप्तानीमा राजस्थान टोलीका लागि धेरै खेल जितेका सञ्जुको ब्याटबाट जारी आईपीएलमा रन बनिरहेको छ । चालू सिजनमा सञ्जुले ३७८ रन बनाएर उत्कृष्ट प्रदर्शनका कारण भारतीय टिममा छनोट भएका हुन् । सञ्जु सामसनले आफ्नो कडा मेहनतको फल पाएका छन् र उनी पहिलो पटक टी–२० विश्वकप खेल्दै देखिनेछन् ।
३. शिवम दुबे
शिवम दुबेको नाम सूचीमा तेस्रो स्थानमा छ, जसले आईपीएल २०२४ मा सीएसकेका लागि ब्याटिङ गर्दै छन् । शिवम दुबेले आईपीएल २०२४ मा अहिलेसम्म ३५० रन बनाएका छन् । शिवम पहिलो पटक टी–२० विश्वकप खेल्दैछन् ।
४. युजवेन्द्र चहल
सूचीको चौथो नम्बरमा युजवेन्द्र चहलको नाम छ, जसले २०२२ को टी–२० विश्वकपका लागि भारतीय टोलीमा स्थान पाएका थिए, तर एकपटक पनि खेल खेल्ने मौका पाएनन्, तर यसपटक भने उनी उत्कृष्ट लयमा छन् । उनको बलियो प्रदर्शनका कारण उनले २०२४ को टी–२० विश्वकपको लागि भारतको टोलीमा स्थान पाएका छन् ।
५. मोहम्मद सिराज
भारतीय टिममा मोहम्मद सिराजले स्थान पाएका छन् । सिराजले २०२१ र २०२२ को टी–२० विश्वकपमा भने स्थान पाउन सकेनन् तर यसपटक उनले चयनकर्ताको ध्यान खिचे र २०२४ को टी–२० विश्वकपका लागि भारतीय टोलीमा स्थान पाए ।
६. कुलदीप यादव
सूचीको छैटौं नम्बरमा कुलदीप यादवको नाम छ, जसले २०२४ को टी–२० विश्वकपमा स्थान पाएका छन् र उनी पहिलो पटक टी–२० विश्वकप खेल्दैछन् ।
