काठमाडौँ । इन्डियन प्रिमियर लिग–२०२४ को ५६ औं खेलमा दिल्ली क्यापिटल्सले राजस्थान रोयल्सलाई २० रनले पराजित गरेको छ ।
योसँगै दिल्लीले अघिल्लो खेलमा भएको हारको बराबरी गरेको छ । यति मात्र होइन, क्यापिटल्सले आफ्नो प्लेअफको आशालाई जीवित राख्दै रोयल्सलाई प्लेअफमा पुग्नको लागि पर्खाइ पनि लम्बाएको छ ।
डिसीको १२ अंक छ भने टोली पाँचौं स्थानमा पुगेको छ । अर्कोतर्फ, आरआर १६ अंकसहित दोस्रो स्थानमा छ । राजस्थानको यो लगातार दोस्रो हार हो । राजस्थानलाई प्लेअफमा पुग्न अझै एक जित आवश्यक छ ।
घरेलु मैदानमा टस हारेर पहिले ब्याटिङ गरेको दिल्लीले २० ओभरमा ७ विकेट गुमाएर २२१ रन बनाएको थियो । जवाफमा राजस्थानले २० ओभरमा ८ विकेट गुमाएर २०१ रन मात्रै बनाउन सकेको थियो । दिल्लीका कुलदीप यादवले २५ रन दिएर २ विकेट लिए । उनी खेलको प्लेयर अफ द म्याच चुनिए ।
डीसीका ओपनर ज्याक फ्रेजर–मगार्च (५० रन) र अभिषेक पोरेल (६५ रन)ले अर्धशतक बनाए । ट्रिस्टन स्टब्सले ४१ रनको इनिङ खेले । राजस्थानका रवीचन्द्रन आश्विनले ३ विकेट लिए । युजवेन्द्र चहल, सन्दिप शर्मा र ट्रेन्ट बोल्टले एक–एक विकेट लिए ।
आरआरका सञ्जु सामसनले ४६ बलमा ८६ रनको इनिङ खेले । रियान परागले २७ रन र शिवम दुबेले २५ रन बनाए । दिल्लीका खलिल अहमद, मुकेश कुमार र कुलदीप यादवले समान २–२ विकेट लिए । अक्षर पटेल र रसिक सलामले एक–एक विकेट लिए ।
