काठमाडौँ । बिहीबार संसदमा हंगामा थियो । सभामुखले गृहमन्त्री रवि लामिछानेलाई बोल्नका लागि समय दिएपछि उनी रोष्ट्रममा जाँदैथिए, तर जान पाएनन् ।
सत्तापक्ष र विपक्षी दलका सांसदहरुका बीचमा धकेलाधकेलको अजस्था पनि सिर्जना भयो । यस क्रममा नेकपा एमालेका नेता केपी ओली र विपक्षी कांग्रेसका नेता धनराज गुरुङबीचको नोकझोँकको त तस्बिर नै सर्वत्र आइ नै सकेको छ ।
संसदभित्रको यो रमाइलोकै बीचमा अर्को पनि एउटा यस्तै दृश्य देखिएको थियो सांसदको सारी तानेको । संसदमै कांग्रेसकी एकजना महिला सांसदले अर्की कांग्रेस सांसदको सारी तानेको पनि स्पष्टै देखिन्थ्यो । यो तास्बिरले पनि आज सामाजिक सञ्जालमा राम्रै चर्चा पाएको छ । एकजना महिला सांसद अघि बढ्दै छिन् नाराबाजी गर्न अनि अर्की सांसद उनैको पिछा लाग्छिन र राम्रैसँग सारी तान्न पुग्छिन् ।
सामाजिक सञ्जालमा आज भनिएको छ ‘उहाँहरु माननीय हो कि ताननीय ?’ सो फोटोमा सारीको सप्को तानिरहेको अवस्थामा देखिएकी सांसद हुन्, रमा कोइराला । बिहीबारको बैठकमा तनाव उत्पन्न भएपछि सभामुख देवराज घिमिरेले शुक्रबारसम्मलाई बैठक स्थगित गरेपनि संसदभित्रको तनाव भने बाँकी नै थियो । त्यसैबेला कांग्रेस सांसद कल्पना चौधरी आक्रोशित मुद्रामा देखिएकी थिइन ।
उनले मानौँ कि त्यहाँ अर्का कुनै सांसदलाई हात हाल्न खोजेजस्तो देखिन्थिन् । ठिक त्यसैबेला सांसद चौधरीलाई सांसद् कोइरालाले सारी तानेर रोक्न खोजेकी थिइन् । संसदमा दुइ पक्षका सांसदहरुका बीचमा भनाभन र कतै त धकेलाधकेलको अवस्था पनि सिर्जना भएको थियो । त्यसपछि सांसद चौधरी आक्रोशित भएर अघि बढ्न खोज्दा आफूले रोक्न खोजेको सांसद कोइरालाको भनाई छ ।
