काठमाडौं । मलेसियामा जारी यू–१९ महिला एसिया कपको ‘सुपर–४’ अन्तर्गत नेपाल र बंगलादेशबीचको खेल वर्षाका कारण प्रभावित भएको छ ।
मलेसियाको क्वालालम्पुरस्थित वायुमास ओभल क्रिकेट मैदान वर्षा भइरहेकाले टस समेत हुन सकेको छैन ।
नेपालका लागि निकै महत्वपूर्ण रहेको यो खेलमा नेपाल विजयी भएमा नेपाल फाइलनमा प्रवेश गर्नेछ । तर, पराजित भएमा वा खेल रद्द हुन पुगे बंगलादेश फाइलनमा पुग्नेछ ।
सुपर–४ मा नेपालसहित भारत, बंगलादेश र श्रीलंका छन् । भारत ५ अंकसहित पहिलो स्थानमा रहँदा बंगलादेश ४ अंकसहित दोस्रो, समान ४ अंकसहित नेपाल तेस्रो र ३ अंकसहित श्रीलंका चौथो स्थान छ । पहिलो र दोस्रो स्थानमा रहने टोली फाइलनमा पुग्नेछन् ।
