काठमाडौँ । भुटानविरुद्धको यू–१६ वुमेन्स मैत्रीपूर्ण अन्तर्राष्ट्रिय फुटबलमा नेपाल पराजित भएको छ । शुक्रबार दशरथ रंगशालामा भएको खेलमा नेपाल ५–१ ले पराजित भएको हो ।
भुटानका लागि क्विन्डेन सोनम सोग्याल र छिरिङ ल्हामोले दुई–दुई गोल गरे । सोनमले २३ र ६५ औ मिनेटमा गोल गरेकी हुन् । ल्हामोले ३४ र ३९ औं मिनेटमा गोल गरिन् ।
यस्तै युगेन सोमाले ८४ औं मिनेटमा पेनाल्टीबाट गोल गर्दै एक गोल थपिन् । नेपालका लागि सबिना तामाङले ८६ औं मिनेटमा एक गोल फर्काइन् ।
