बुटवल । बाँकेको नेपालगन्ज मेडिकल कलेजमा उपचाररत दुईजना कोरोना संक्रमितको मृत्यु भएको छ ।
मृत्यु हुनेमा एक जना नेपालगञ्जका ४१ वर्षीय पुरुष नेपालगन्ज मेडिकल कलेजका स्वास्थ्यकर्मी नै रहेका छन् । अर्का भने कोहलपुर नगरपालिका वडा नंं. १० का ५३ वर्षीय पुरुष रहेका छन् ।
एकजना संक्रमितको उपचारका क्रममा गएराति र एक जनाको बिहान ४ बजे मृत्यु भएको स्वास्थ्य कार्यालय बाँकेका कोरोना फोकल पर्सन नरेशबाबु श्रेष्ठ जानकारी दिए। दुवैजनालाई प्लाज्मा थेरापी र रेम्डिसिभिरबाट उपचार भइरहेको थियो । दुवैजना भेन्टिलेटरमा थिए ।
