काठमाडौं । डा. गोविन्द केसीको कोरोना परीक्षण रिपोर्ट नेगेटिभ आएको छ ।
१९औं आमरण अनसनरत डा. केसीलाई भेटेकी त्रिवि चिकित्साशात्र अध्ययन संस्थान (आईओएम)की डीन डा. दिव्या सिंह शाहलाई शनिबार कोरोना संक्रमण पुष्टि भएपछि केसीको पनि कन्ट्र्याक्ट ट्रेसिङ स्वरुप स्वाब दिइएको थियो । तर उनको रिपोर्ट भने नेगेटिभ आएको छ ।
डा. केसी हाल त्रिवि शिक्षण अस्पतालमा छन् र, उनको स्वास्थ्य कमजोर बन्दै गएको छ । चिकित्सा शिक्षा सुधारको माग राख्दै २९ भदौमा उनले जुम्लामा अनसन बसेका थिए ।
