काठमाडौं । काठमाडौं उपत्यकाको निषेधाज्ञा खुलेको १० दिनसम्म उपत्यकामा भित्रिने यात्रुको संख्या उपत्यका छाड्नेभन्दा बढी देखिएको महानगरीय ट्राफिक प्रहरी महाशाखाले जनाएको छ । १० दिनको अवधिमा १ लाख ७४ हजार ८ सय ४४ जना यात्रु उपत्यकामा प्रवेश गरेको महाशाखाको तथ्याङ्क छ । त्यस्तै, कूल ४१ हजार ६ सय १७ वटा सवारीसाधन उपत्यकामा भित्रिँसकेको छ ।
दशैं लगायतका महत्वपूर्ण चाडबाड आउनुअघि खुला भएको उपत्यकाको आवागमनमा भित्रिनेको संख्या बढी देखिएको महानगरीय ट्राफिक प्रहरी महाशाखाले जनाएको हो ।
त्यस्तै महाशाखाका प्रवक्ता प्रहरी उपरीक्षक (एसपी) रामेश्वर प्रसाद यादवका अनुसार ४१ हजार २ सय ५ सवारी साधन बाहिरिँएको र १ लाख ६५ हजार २ सय ४६ जना यात्रुले उपत्यका छाडेको छ ।
