काठमाडौ । मानव अधिकार तथा शान्ति समाजले विगत १४ दिनदेखी अनसनरत सत्याग्रही डा. गोविन्द केसीको विग्रदो स्वास्थ्यअवस्था प्रति गम्भिर हुदै संवाद मार्फत शिघ्र सहमति खोज्न सरकारलाई आग्रह गरेको छ ।
समाजले आईतबार एक बिज्ञप्ति जारी गर्दे विगतदेखी वर्तमान सम्मका सरकारहरुले डा. केसीसँग गरेका सहमतिका सन्दर्भमा छलकपटपूर्ण व्यवहार भएको भन्दै संझौता कार्यन्वयन नहुनु दुर्भाग्यपूर्ण भएको जनाएको छ ।
अनसनका क्रममा पछिल्लो चरणमा अपमानजनक व्यवहार समेत भएको भन्दै समाजले एक निष्ठावान सत्याग्रहीप्रति सम्मान प्रकट गर्दै संवादमार्फत शिघ्र सहमति खोज्न र संवेदनशील बन्न सरकारसँग आग्रह गरेको महासचिव, सुशिल बस्नेतले जारी गरेको बिज्ञप्तिमा उल्लेख छ ।
