दार्चुला । नेपाल प्रहरीका एक जना सई दार्चुलाको होटलमा मृत फेला परेका छन् । कैलाली टीकापुरका सई ध्रुव रावल महाकाली नगरपालिका–४ बंगाबडाको एक होटलमा आज बिहान मृत फेला परेका हुन् । उनको शव शुक्रबार बिहान होटलको बाथरुम अगाडि लडिरहेको अवस्थामा फेला परेको जिल्ला प्रहरी कार्यालय दार्चुलाले जनाएको छ ।
सई रावलको सरुवा इलाका प्रहरी कार्यालय हुतीमा भएको थिए र हुती जाने क्रममा उनी होटलमा बास बसेका बसेको जिल्ला प्रहरी कार्यालय दार्चुलाका प्रहरी निरीक्षक सुरेन्द्रप्रसाद जोशीले जानकारी दिएका हुन् ।
उनी बाथरुममा लडिरहेको अवस्थामा भेटिएपछि जिल्ला अस्पताल दार्चुलामा लगिएको थियो । तर डाक्टरहरुले उनलाई मृत घोषणा गरेका थिए । यस विषयमा अनुसन्धान भइरहेको प्रहरीले जनाएको छ ।
