बुटवल । प्युठानका कोरोना संक्रमित ५८ वर्षीय पुरुषको बुटवलमा मृत्यु भएको छ । प्युठानको स्वर्गद्वारी नगरपालिका वडा नं. ७ का उनको बुटवलस्थित गौतमबुद्ध सामुदायिक मुटु अस्पतालमा गएराति मृत्यु भएको हो । अस्पतालमा भर्ना भएकै दिनदेखि भेन्टिलेटरको सहायतामा उपचार गराइरहेका उनको गएराति ९ बजेतिर मृत्यु भएको अस्पतालका अध्यक्ष एजाज आलमले जानकारी दिए ।
मुटु अस्पतालमा आउनुअघि उनले भैरहवाको युनिभर्सल मेडिकल कलेजमा उपचार गराएका अध्यक्ष आलमले जानकारी दिए । मुटु अस्पतालमा अर्का एकजना कोरोना संक्रमित पनि उपचाररत रहेका उनले बताए ।
स्वर्गद्वारी नगरपालिकाका स्वास्थ्य शाखा प्रमुख दलबहादुर केसीले नगरपालिकाको वडा नं। ७ का ५८ वर्षीय पुरुषको मुटु अस्पतालमा मृत्यु भएको पुष्टी गर्दै नगरपालिकाका कोरोना संक्रमितको मृत्यु हुने संख्या २ पुगेको बताए । उनको भदौ १६ गते कोरोना पोजेटिभ रिपोर्ट आएको थियो ।
