काठमाडौँ । च्याम्पियन्स लिग फुटबलमा इंग्लिस क्लब आर्सनलले सानदार जित निकालेको छ ।
गएराति भएको राउण्ड अफ १६ को खेल अन्तर्गथ पहिलो लेगमा आर्सनलले डच क्लब पिएसभीलाई उसकै घरेलु मैदानमा ७–१ गोलले हराएको हो ।
आर्सनललाई फराकिलो जित दिलाउन मार्टिन ओडेगार्डले दुई गोल गरे भने जुरियन टिम्बर, इथान न्वानेरी, मिकेल मेरिनो, लियान्ड्रो ट्रोसार्ड र रिकार्डो कालाफिओरीले एक–एक गोल गरे । पिएसभीका लागि एकमात्र गोल नोआ लांगले पेनाल्टीमा गरे ।
यो नतिजासँगै आर्सनलको क्वाटरफाइनल यात्रा सहज बनेको छ । अब दोस्रो लेग आर्सनलको घरेलु मैदानमा हुनेछ ।
यस्तै, गएराति नै भएको अर्को खेलमा जर्मन क्लब बोरुसिया डर्टमण्ड र एलओएससी लिलले बराबरी खेलेका छन् । डर्टमण्डको घरेलु मैदानमा दुबै टोलि १–१ गोलको बराबरीमा रोकिएका हुन् ।
खेलको २२ औं मिनेटमा करिम एडेयमीले गोल गर्दै घरेलु टोलिलाई सुरुवाती अग्रता दिलाएका थिए ।
तर, ६८ औं मिनेटमा आर्नर हाराल्डसनले गोल गर्दै लिललाई हारबाट जोगाए । अब दोस्रो लेगको खेल मार्च १२ मा लिलको मैदानमा हुनेछ ।
