काठमाडौँ । चारदेशीय महिला टी– २० क्रिकेट प्रतियोगितामा घरेलु टोली युगान्डाले नेपाललाई जितका लागि ७७ रनको लक्ष्य दिएको छ ।
युगान्डाको एन्टेब्बे क्रिकेट ओभलमा जारी खेलमा टस हारेर पहिले ब्याटिङमा उत्रिएको युगान्डाले निर्धारित २० ओभरमा ७ विकेट गुमाएर ७६ रनको योगफल बनायो ।
युगान्डाका लागि इमाकुलेट नाकिसुईले सर्वाधिक २२ रन जोडिन् । त्यसैगरी, स्टेफेनिया नाम्पिलिनाले २५ बलमा १ चौकाको सहयोगमा १४ रन जोडिन् भने मलिषा अरिकोटाले ११ रन जोडिन् ।
नेपालका लागि पूजा महतोले ३ विकेट लिइन् भने कप्तान इन्दु बर्माले २ विकेट लिइन् । नेपाल अहिले जवाफी ब्याटिङमा उत्रिएको छ ।
