पोखरा । तनहुँकी एक महिलाको पोखरामा उपचारको क्रममा मृत्यु भएको छ । तनहुँ ब्यास–१ अम्रेनीकी ५० वर्षीया महिलाको पोखराको कास्की सेवा अस्पतालमा उपचारको क्रममा ज्यान गएको हो ।
उनमा कोरोना परिक्षण गर्दा कोरोना संक्रमण पुष्टि भइसकेको थियो । कास्की सेवा अस्पतालका सञ्चालक डा. पदम खड्काका अनुसार उनमा सुगर, पे्रसर, मुटुको समस्या र निमोनिया रहेको थियो । डा. खड्काले भने, ‘क्रिटिकल अवस्थामा ल्याइएको थियो ।
अस्ति स्बाब टेस्टका लागि पठाइएको थियो । हिजो राति मृत्यु भयो, बिहान कोरोना पोजेटिभ भएको जानकारी आएको छ ।’ उनलाई साउन २१ गते उपचारका लागि अस्पताल लागिएको थियो ।
