काठमाडौं । गएराति कालिकोटको महाबै गाउँपालिका वडा नम्बर ३ नकु भन्ने स्थानमा पहिरो जाँदा ६ जनाको मृत्यु भएको छ । पहिरोले वडा सद रजबहादुर विष्टको घर पुरिँएको हो ।
कर्णाली प्रदेशका मुख्यमन्त्रीका स्वकीय सचिव खेम सिंहका अनुसार पहिरोमा परि वडा सदस्य विष्टका दुई छोरा, दुई छोरी र उनका दाजु डिल बहादुर विष्टका दुई छोरी गरी छ जनाको मृत्यु भएको हो। स्वकीय सचिव सिंहले आफू घटनास्थलमा नै भएको र उद्दारमा लागिरहेको जानकारी दिए।
जिल्ला प्रहरी कार्यालय कालिकोटका अनुसार उनीहरुको सनाखत हुन बाँकी रहेको छ ।
