विराटनगर । प्रदेश १ की सांसदलाई कोरोना संक्रमण पुष्टि भएको छ ।बुधबार धनकुटाबाट प्रदेशसभामा प्रतिनिधित्व गर्ने सांसद कुसुम कुमारी श्रेष्ठ कोरोना संक्रमण पुष्टि भएको हो ।
साउन २० गते स्वास्थ्यमा समस्या देखिएपछि शनिबार धरानमा स्वाब दिएकी उनलाई बुधबार कोरोना पोजेटिभ देखिएको हो । उनी इटहरीमा बसोबास गर्दै आएकी छन् ।
श्रेष्ठले आफ्नो स्वास्थ्य अवस्था सामान्य रहेकाले आत्मबल मजबुद बनाएर कोरोनालाई पराजित गर्ने बताइन् । सांसदसहित उनका श्रीमानमा पनि कोरोना संक्रमण देखिएको धरान उपमहानगरपालिकाको स्वास्थ्य महाशाखाका प्रमुख उमेश मेहेताले जानकारी दिए ।
प्रदेश १ मा कोरोना संक्रमण पुष्टि भएको उनी दोस्रो उच्चपदस्थ व्यक्ति हुन् । यसअघि प्रदेश १ का मुख्य न्यायाधिवक्ता चुडामणि आचार्यलाई कोरोना संक्रमण पुष्टि भएको थियो ।
