काठमाडौं । परराष्ट्र मन्त्री प्रदीप ज्ञवालीले वार्ताका लागि भारतलाई तीन पटक पत्र पठाउँदा पनि चासो नदिएको बताएका छन् । शुक्रवार पार्टीको स्थायी समिति बैठक मन्त्री ज्ञवालीले गत नोभेम्बर, डिसेम्बर र जनवरीसम्म तीन पटक पत्र पठाउँदा पनि भारतले चासो नदिएको बताएका हुन् ।
अहिले पनि हामी वार्ताका लागि पहल गरिरहेका छौं भन्नुभयो,’ बैठकमा सहभागी स्थायी समिति सदस्य पर्यटन मन्त्री योगेश भट्टराईले भने,‘बैठकमा उहाँले चीनले सीमा मिचेको भनेर पछिल्लो समय मिडियामा आएका समाचार फर्जी कागज बनाएर आएको बताउनुभयो।’
यसअघि बिहीबार विज्ञप्ति जारी गर्दै परराष्ट्र मन्त्रालयले चीनले सीमा नमिचेको र कृषि तथा पशुपन्छी विकास मन्त्रालयले सीमा मिचिएको बारे कुनै प्रतिवेदन नै नबनाएको बताएको थियो।
आजको बैठकमा स्थायी समिति सदस्यहरू पम्फा भुषाल, बेदुराम भुषाल, अमृतकुमार बोहोरा, लीलामणि पोखरेल, मात्रिका यादव, रघुवीर महासेठ, प्रदीप ज्ञवालीलगायत १० जनाले एजेण्डामा आफ्नो धारणा राखिसकेका छन्।
उनीहरू सबैले लिम्पियाधुरासम्म भू-भाग समेटेर नक्सा जारी गर्नु राम्रो काम भएको भन्दै समस्या समाधानका लागि अब कूटनीति पहल पनि बढाउनु पर्ने बताएका थिए।
बैठकमा अहिले खाजा खाने ब्रेक भएको छ।
