विश्वभरमा कोरोना भाइरस संक्रमितको संख्या ९० लाख भन्दा बढी भइसकेको छ । वर्ल्डोमिटर्सको पछिल्लो आँकडा अनुसार विश्वभरमा कोरोना संक्रमितको संख्या ९१ लाख ८५ हजार ९ सय ७४ पुगेको छ । यो महामारीले हालसम्म ४ लाख ७४ हजार ५७ जनाको मृत्यु भइसकेको छ । अमेरिका कोरोनाको सबैभन्दा धेरै प्रभावित देश बनेको छ । अमेरिकामा २२ लाख ९१ हजारभन्दा बढी व्यक्ति संक्रमित छन् भने एक लाख २० हजारभन्दा बढीको मृत्यु भएको छ ।
ब्राजिलमा कोरोना संक्रिमतको संख्या १० लाख ८३ हजार बढी छन् त्यहाँ मृतकको संख्या ५० हजार बढी भएको छ । यस्तै रुसमा पाँच लाख ९१ हजार बढी व्यक्ति कोरोनाद्वारा संक्रमित छन् । तर, यहाँ कोरोना महामारीका कारण धेरैको मृत्यु भएको छैन । यहाँ आठ हजारभन्दा बढी कोरोना संक्रमितको मृत्यु भएको छ ।
संक्रमित व्यक्तिको संख्याको हिसाबले भारत चौथो स्थानमा छ । भारतमा चार लाख २५ हजार बढी व्यक्ति संक्रमित भइसकेका छन् जबकि यहाँ हालसम्म १३ हजार ६ सयभन्दा बढीको मृत्यु भएको छ । बेलायतमा तीन लाख ६ हजार बढी व्यक्ति कोरोना संक्रमित भएका छन् । यो महामारीले बेलायतमा हालसम्म ४२ हजार ७ सय ३२ व्यक्तिको मृत्यु भएको छ ।
