पोखरा। कास्की जिल्ला कारागारमा चौकीदार नियुक्ति विवादित बनेको छ। राजनीतिक चलखेलमार्फत नियुक्ति गरिएको आरोप लगाउँदै कैदीबन्दीहरूले कारागारभित्र नाराबाजी गरेका छन्।
कारागारको ‘क’ ब्लकमा अजय गुरुङलाई चौकीदार नियुक्त गरिएपछि अर्का उम्मेदवार प्रकाश गुरुङका समर्थक कैदीहरूले विरोध जनाएका हुन्। सो ब्लकमा करिब ४ सय कैदीबन्दी रहेका छन्।
कारागार कार्यालयका सूचना अधिकारी महेन्द्र कुवरका अनुसार चौकीदार पदका लागि अजय गुरुङ, प्रकाश गुरुङ र प्रवीण थापाको नाम सिफारिस भएको थियो। तीमध्ये कारागार विभागले अजय गुरुङलाई छनोट गरेको हो।
विरोध चर्किएपछि कारागार प्रशासनले स्थिति नियन्त्रणमा लिन प्रयास थालेको छ।
