जाजरकोट। जाजरकोटको नलगाढ–रौलाखेत जलमापन केन्द्रमा पानीको सतह सतर्कता तह पार गरेको जल तथा मौसम विज्ञान विभागले जनाएको छ।
विभागका अनुसार जलसतह निरन्तर बढ्दो क्रममा रहेकाले नदी आसपासका तटीय क्षेत्र तथा डुबानको उच्च जोखिममा पर्ने होचो भूभागमा बसोबास गर्ने नागरिकहरूलाई विशेष सतर्कता अपनाउन आग्रह गरिएको छ।
नदी किनारमा जाने, खोला तर्ने वा जलमार्ग नजिकै बस्ने कार्य नगर्न विभागले अनुरोध गरेको छ। सम्भावित बाढी र डुबानजन्य जोखिमलाई मध्यनजर गर्दै सम्बन्धित निकाय तथा सर्वसाधारणलाई आवश्यक सावधानी अपनाउन भनिएको छ।
