काठमाडौँ । काठमाडौँ महानगर प्रमुख बालेन्द्र शाह आज बस्ने राष्ट्रिय स्वतन्त्र पार्टी (रास्वपा) को केन्द्रीय समितिको बैठकमा सहभागी हुने भएका छन् ।
सो पार्टीका वरिष्ठ नेता साह आज पहिलोपटक पार्टी कार्यालयमा प्रवेश गर्दैछन् र केही बेरमा सुरु हुन लागेको बैठकमा सहभागी हुने कार्यक्रम रहेको छ ।
सो पार्टीको नेताका रुपमा उनले गत पुस १३ गते एक सम्झौतामा हस्ताक्षर गरेका थिए । सो सम्झौतासँगै बालेन रास्वपामा प्रवेश गरेका थिए ।
उनलाई दोस्रो वरीयतामा रहनेगरी पार्टीको वरिष्ठ नेता तोकिएको छ । तर, पनि अहिलेसम्म उनी पार्टीका काममा भने सहभागी छैनन् । काठमाडौं महानगरप्रमुखको जिम्मवारीमा रहेका कारण बालेन पार्टीका गतिविधिहरुमा सहभागी नभएका हुन् ।
यसैबीच आजै साँझ ५ बजे चुनावी अभियानको सुरुवात गर्न जनकपुर प्रस्थान गर्ने कार्यक्रम रहेको छ । रास्वपा सभापति रवि लामिछाने र बालेनसहितको टोली आज त्यसतर्फ प्रस्थान गर्न लागेको हो ।
