काठमाडौं। नेकपाका संयोजक पुष्पकमल दाहाल ‘प्रचण्ड’लाई पत्र लेख्दै पार्टी छाडेका रहबर अन्सारी राष्ट्रिय स्वतन्त्र पार्टी (रास्वपा)मा प्रवेश गरेका छन्।
जनकपुरमा आयोजित रास्वपाको परिवर्तन उद्घोष सभामा अन्सारीले औपचारिक रूपमा पार्टी प्रवेश गरेका हुन्।
उनले मधेश प्रदेशसभाबाट पनि पार्टीसँग राजीनामा दिएका थिए। अन्सारीले रास्वपाले ‘परिवर्तनको सङ्कल्प’का साथ अघि आएको भन्दै अभियानमा सक्रिय हुने बताएका छन्।
उनले अबको परिवर्तन केवल रास्वपाबाटै सम्भव हुने उल्लेख गर्दै मधेशमा पार्टीको भूमिका सशक्त बनाउने प्रतिबद्धता व्यक्त गरेका छन्।
उनी बारा–४ निर्वाचन क्षेत्रबाट चुनाव लड्ने तयारीमा छन्।
