काठमाडौं । नेपाली कम्युनिस्ट पार्टी (नेकपा)को राष्ट्रिय सभा संसदीय दलको नेतामा बेदुराम भुसाल नियुक्त भएका छन्।
आइतबार सिंहदरबारमा बसेको संसदीय दलको बैठकले भुसाललाई दलको नेताको जिम्मेवारी दिएको हो।
त्यसैगरी, प्रमुख सचेतकमा मदनकुमारी शाह ‘गरिमा’ र सचेतकमा गंगा बेलवासेलाई नियुक्त गरिएको छ।
यसअघिका दलका नेता नारायणकाजी श्रेष्ठले राजीनामा दिएर प्रतिनिधिसभा निर्वाचनको उम्मेदवार बनेपछि भुसाललाई नयाँ दल नेता नियुक्त गरिएको नेकपाले जनाएको छ।
