काठमाडौँ । सरकारले नेपाल रेडक्रस सोसाइटीमा नौ सदस्यीय तदर्थ समिति गठन गरेको छ।
मंगलबार बसेको मन्त्रिपरिषद् बैठकले उक्त निर्णय गरेको सरकारका प्रवक्ता सस्मित पोखरेलले जानकारी दिए। उनका अनुसार दोलखाका विशालकुमार भण्डारीको नेतृत्वमा नौ सदस्यीय तदर्थ समिति गठन गरिएको हो। नेपाल रेडक्रस सोसाइटी मा देखिएको व्यवस्थापकीय अवस्थालाई सुधार गर्न समिति गठन गरिएको बताइएको छ।
त्यस्तै, मन्त्रिपरिषद् बैठकले निजामती सेवा १६ औँ संशोधन नियमावली २०८३ स्वीकृत गर्ने निर्णय पनि गरेको छ। उक्त नियमावलीले नेपाल सरकार अन्तर्गतको निजामती सेवा व्यवस्थापनलाई थप परिमार्जन गर्ने अपेक्षा गरिएको छ।
