काठमाडौं । प्रमुख प्रतिपक्षी दल नेपाली कांग्रेसको आह्वानमा विपक्षी दलहरूको संयुक्त छलफल अहिले सिंहदरबारस्थित कांग्रेस संसदीय दलको कार्यालयमा जारी छ।
प्रतिनिधिसभा बैठक स्थगित भएपछि आज दिउँसो सवा ३ बजेबाट सुरु भएको छलफलमा प्रतिनिधिसभामा प्रतिपक्षमा रहेका विभिन्न दलका प्रमुख सचेतक तथा सचेतकहरू सहभागी छन्।
संसद्मा विपक्षी दलहरूले उठाउँदै आएका विषयमा साझा रणनीति बनाउने, आगामी संसद् बैठकमा अपनाइने भूमिकाबारे निर्णय गर्ने तथा संयुक्त रूपमा अघि बढ्ने विषयमा बैठकमा छलफल भइरहेको बताइएको छ।
