काठमाडौं । नेपाली काँग्रेस नेता विमलेन्द्र निधिले पनि प्रधानमन्त्री तथा नेपाली काँग्रेसका सभापति पदका उम्मेदवार शेरबहादुर देउवालाई नै समर्थन गर्ने भएका छन् ।
मंगलबार नेपाली कांग्रेसको सभापतिका लागि दोस्रो चरणको मतदान हुने भएपछि आफूलाई सहयोग गर्ने प्रस्तावसहित देउवा निधिलाई भट गर्न पुगेका थिए । देउवाले आजै बिहान कांग्रेस नेता प्रकाशमान सिंहलाई पनि भेट गरिसकेका छन् ।
देउवालाई नेता सिंहले समर्थन पनि जनाईसकेका छन् । दोस्रो चरणमा शेरबहादुर देउवा र डा शेखर कोइरालाबीच प्रतिस्पर्धा हुने भएको छ । विमलेन्द्र निधिले पहिलो चरणमा २४९ मत प्राप्त गरेका थिए । दोस्रो चरणको मतदान दिउँसो साढे ३ बजेबाट सुरु गरिने भएको छ ।
