काठमाडौँ । राष्ट्रिय सभाको बैठक ११ मिनेटमा नै स्थगित गरिएको छ ।
सोमबार बसेको बैठकले विभिन्न विधेयकहरु सम्बन्धी प्रस्तावहरु पारित गर्दै बैठक मंगलबार फेरि बस्नेगरी स्थगित भएको हो ।
बैठक सुरु भएपछि राष्ट्रिय सभाका सचिव राजेन्द्र फुयाँलले प्रतिनिधिसभाबाट पारित भएको वेपत्ता पारिएका व्यक्ति, सत्यनिरुपण तथा मेलमिलाप आयोगको विधेयकको पारित सम्बन्धी सूचना राष्ट्रिय सभामा पेश गरेका थिए ।
फुयाँलले बोलि सकेपछि काँग्रेस सांसद विन्दा आलेको बोल्ने पालो आएको थियो ।
आलेले नेपाल विद्यार्थी संघका कास्की शाखाका विद्यार्थी नेताहरुलाई पक्राउ गरिएको विषयमा सभा मार्फत सरकारको ध्यानाकर्षण गराएकी थिईन् । उनले ती नेताहरुले जलाउँदै नजलाएको गाडी समेत जलाएको भनी झुठा मुद्दामा अझै थुनामा राखेको भन्दै सरकारको विरोध समेत गरेकी थिईन् ।
त्यसपछि सभामा गृहमन्त्री रामबहादुर थापाले ज्येष्ठनागरिक सम्बन्धी पहिलो संशोधन विधेयक २०७५ लाई दफावार छलफलको लागि विधायन व्यवस्थापन मितिमा पठाईयोस् भन्ने प्रस्ताव पेश गरेका थिए ।
त्यसपछि अर्थमन्त्री खतिवडाल नै नागरिक लगानी कोष सम्बन्धी विधेयकको दोस्रो संशोधनलाई विधायन समितिमा पठाईयोस् भन्ने प्रस्ताव पेश गरेका थिए । सो प्रस्ताव समेत सर्वसम्मतीले पारित भएपछि विज्ञापन नियमन गर्नै विधेयकलाई समेत विधायन समितिमा पठाउने निर्णय गर्दै सभाको बैठक मंगलबार विहान ११ बजेसम्मकोलागि स्थगित गरिएको छ ।
