काठमाडौँ । प्रहरीलाई एक सय रुपैयाँ घुस दिन खोज्ने एकजना पक्राउ परेका छन्। पक्राउ पर्नेमा धादिङ थाक्रे गाउँपालिका-२ बस्ने ३५ वर्षीय केदार मल्ल रहेका छन् ।
मल्ललाई चन्द्रागिरी नगरपालीका–१५ कलंकी ढुंगेअड्डामा पक्राउ गरिएको हो ।
महानगरीय प्रहरी वृत्त कालिमाटीबाट खटिएको प्रहरीले बा.५ ख ६०८४ नम्बरको टिपर जाँच गर्ने क्रममा उनले कागजपत्र नभएको भन्दै घुस दिन खोजेका थिए।
यसबारेमा प्रहरीले अनुसन्धान गरिरहेको जनाएको छ।
